Տնտեսական որոշումների դպրոցը (SED) Վարքագծային որոշումների կենտրոնի (CBD) նախաձեռնություններից է, որը նպատակ ունի մարդկանց սովորեցնել ժամանակակից աշխարհում առավել արդյունավետ ֆինանսական և տնտեսական որոշումներ կայացնելու հմտություններ: Մեր առաքելությունն է անհատներին փոխանցել այնպիսի գործիքներ, որոնք անհրաժեշտ են առօրյա կյանքում ռազմավարական և բանական ընտրություն կատարելու և երկարաժամկետ պլանավորումներ իրականացնելու համար՝ բարելավելով նրանց ֆինանսական բարեկեցությունը։

SED-ը տարբերվում է ավանդական տնտեսագիտական կրթությունից՝ կենտրոնանալով տնտեսագիտական սկզբունքների գործնական կիրառման վրա իրական որոշումների կայացման ընթացքում: Մեր ծրագրերը ներառում են ռազմավարական որոշումների կայացում, վարքագծային տնտեսագիտություն, որոնք կարող են ազդել տնտեսական ընտրությունների վրա: Դասընթացների և սեմինարների միջոցով մենք մասնակիցներին տրամադրում ենք բարդ որոշումների վերլուծման և մոդելավորման գործիքներ։

Վերջին հինգ տարիների ընթացքում SED-ը կազմակերպել և իրականացրել է ծրագրեր, որոնք ուղղված են գործնական տնտեսագիտական գրագիտության խթանմանը, հայերենով մատչելի գրականության ստեղծմանը և տարածմանը, ինչպես նաև դպրոցական և ուսանողական մրցույթների ու գործնական սեմինարների անցկացմանը․ այս ամենը՝ անվճար։ Ծրագրերը իրականացվել են մեր միջազգային գործընկերոջ՝ Economic Fundamentals Initiative-ի աջակցությամբ, որի ներդրումը կարևոր դեր է ունեցել մեր ծրագրերի որակի և հասանելիության բարձրացման գործում։

SED-ի հիմնական միջոցառումներից է Տաթևացի տնտեսագիտական օլիմպիադան՝ կազմակերպված ավագ դպրոցի աշակերտների համար։ Սա եռափուլ մրցույթ է, որի նպատակը միայն գիտելիքների ստուգումը չէ, այլ՝ ստեղծել դինամիկ հարթակ ուսանողների համար, որպեսզի ներգրավվեն իրական աշխարհի տնտեսական մարտահրավերներին, կատարելագործեն տեղեկացված և ռազմավարական որոշումներ կայացնելու իրենց հմտությունները, ինչն էլ դրական ազդեցություն կունենա նրանց ապագայի վրա։

Շեշտելով տնտեսական որոշումների կայացման գործնական կողմերը՝ SED-ը օգնում է անհատներին զարգացնել անձնական ֆինանսների կառավարում, բիզնես որոշումների կայացում և տնտեսական ոլորտում վստահություն ունենալու համար անհրաժեշտ հմտություններ։